گوجرانوالہ: کینٹ پولیس کی ڈی سی کالونی میں بڑی کاروائی، غیر قانونی ایکسچینج سے چار جواری گرفتار

کینٹ پولیس نے ڈی سی کالونی میں بڑی کاروائی کرتے ہوئے ایک گھر میں چھاپہ مار کر چار جواریوں کو گرفتار کرلیا۔ کینٹ پولیس کے مطابق ملزمان نے ڈی سی کالونی میں کرائے پر مکان لے جوئے کا اڈا اور غیر قانونی ایکسچینج بنا رکھی تھی۔ جہاں وہ گزشتہ تین سال سے انٹرنیشنل میچز پر جوا کرواتے تھے۔ ملزمان کے قبضے سے غیر قانونی ٹیلی فون ایکسچینج٬ دس موبائل فون، ڈش انٹینا اور جوئے کی بکس، موٹر سائیکل اور دیگر اہم دستاویزات قبضہ میں لے لیں، پولیس نے ملزمان کو گرفتار کر کے تھانہ کینٹ منتقل کر دیا گیا ہے جہاں ان سے مزید تحقیقات جاری ہیں، پولیس کا مزید کہنا ہے کہ مالک مکان نے شک گزرنے پر مکان خالی کرنے کا مطالبہ کیا تو ملزمان سنگین نتائج کی دھمکیاں دینے لگے جس پر اس نے پولیس کو اطلاع دی۔