گوجرانوالہ: بڑا مقابلہ جیتنے پر بڑا جشن، مٹھایاں تقسیم اور اہلخانہ کے بھنگڑے

ترکی میں ہونے والی ورلڈ بیچ ریسلنگ چمپئن شپ میں گوجرانوالہ سے تعلق رکھنے والے پہلوان انعام بٹ نے جارجیا کے پہلوان کو ہرا کر جیت اپنے نام کرکے گولڈ میڈل حاصل کرلیا۔ جیت کی خبر ملتے ہی مچھلی منڈی کے قریب واقع انعام پہلوان کے گھرپر ان کے اہلخانہ نے خوب جشن منایا۔ اس موقع پر انعام کے بھائیوں، کزنز اور دیگر رشتہ داروں نے مٹھائی تقسیم کی اور خوب بھنگڑے ڈالے۔
اس موقع پر جی نیوز نے خصوصی گفتگو میں انعام کے چھوٹے بھائی حمزہ کا کہنا تھا کہ انہوں نے انعام کے تمام مقابلے ریسلنگ کی ویب سائٹ کے ذریعے لائیو دیکھے۔ انعام کی جیت پورے ملک کی جیت ہے اور انعام نے ان مقابلون کیلئے سخت محنت کی تھی۔ ان کا مزید کہنا تھا کہ انعام کے وطن لوٹنے پر پورے شہر میں جشن منانے کی بھرپور تیاریاں کی جارہی ہیں۔