گوجرانوالہ: چیئرمین پی ایچ اے شہر کو خوبصورت بنانے کیلئے پرعزم

چیئرمین پارکس اینڈ ہارٹیکلچر اتھارٹی ایس اے حمید نے کہا ہے کہ پوری قوم ماحولیاتی آلودگی سے بچنے کیلئے نہ صرف پودے لگائے بلکہ انکی حفاظت بھی کرے، پی ایچ اے وزیر اعظم کے وژن کو پایہ تکمیل تک پہنچانے کیلئے دن رات کام کر رہی ہے-
وزیر اعظم عمران خان کی قیادت میں گوجرانوالہ سمیت پورے ملک کو کلین اینڈ گرین بنا کر دم لیں گے ۔ ان خیالات کا اظہار انہوں نے اساتذہ اور طلباء کے ساتھ جناح پارک گرین بیلٹس پر کلین اینڈ گرین مہم کے سلسلہ میں پودا لگاتے ہوئے کیا۔ انہوں نے کہا کہ اساتذہ اور طلبہ پودے لگانے کے ساتھ ساتھ انکی حفاظت اور دیکھ بھال کرنے کی بھی ذمہ داری نبھائیں تاکہ پودے صاف شفاف فضا فراہم کر سکیں۔اس موقع پر کمشنر گوجرانوالہ اسد اللہ فیض، اے ڈی سی و ڈائریکٹر ایڈمن اینڈ فنانس ڈاکٹر رابعہ ریاست ، پی ایچ اے حکام کے ساتھ اساتذہ اور طلبہ بھی موجود تھے ۔