گوجرانوالہ: گھر سے بھاگنے والی زیادہ تر خواتین جرائم پیشہ افراد کے ہتھے چڑھ جاتی ہیں ،پولیس

ضلع گوجرانوالہ میں خواتین کے اغواء کے348مقدمات درج کئے گئے ہیں ، گزشتہ سال کی نسبت خواتین کے اغواء کی وارداتوں میں اضافہ ہوا ہے ۔ بتایا گیا ہے کہ رواں سال ضلع بھر کے تھانوں کی حدود سے348خواتین اغواء ہو گئی ہیں جبکہ گزشتہ سال ان کی تعداد3سو کے قریب تھی ، ذرائع کا کہنا تھا کہ خواتین کو ورغلا کر اغواء کرنے والا گروہ بھی سرگرم ہے ، ملزمان سادہ لوح خواتین کو مختلف طریقوں سے جھانسہ دے کر انہیں گھر سے باہر بلاتے اور اغواء کر لیتے ہیں ، یہ بھی بتایا گیا ہے کہ خواتین اپنی مرضی سے بھی گھر سے بھاگ جاتی ہیں ،پولیس حکام کا کہنا تھا کہ گھر سے بھاگنے والی زیادہ تر خواتین جرائم پیشہ افراد کے ہتھے چڑھ جاتی ہیں