گوجرانوالہ میں بلدیاتی انتخابات سے قبل پی ٹی آئی کی تنظیم نوکرنے کا اعلان، امیدوار تیاری کرلیں :اعجاز چودھری

پاکستان تحریک انصاف کے مرکزی ایڈیشنل سیکرٹری جنرل اعجاز احمد چودھری نے کہا ہے کہ بلدیاتی انتخابات سے قبل پی ٹی آئی کی تنظیم نوہوگی کارکنوں کو منظم ، فعال بنا کر عوامی خدمت کے مکمل اہداف حاصل کریں گے ۔ ان خیالات کا اظہار انہوں نے سابق ضلعی صدر پی ٹی آئی گوجرانوالہ رانا نعیم الرحمن خاں ، خالد عزیز لون، جواد حسن منج ، رانا محمد الیاس، انجینئر اشرف بٹ،چودھری اصغر وڑائچ، قاسم اکرم وڑائچ، مہر شہباز علی،جہاں زیب خاں منج، عطاء الحق بھٹی، ڈاکٹر زاہد امین و دیگر پر مشتمل وفد سے ملاقات کے دوران کیا۔ وفد نے اعجاز احمد چودھری کویقین دلایا کہ وہ ایک عادلانہ معاشرہ کیلئے تحریک انصاف کی قیادت کے ساتھ کھڑے ہیں۔