پولیس کانسٹیبلوں کی 100آسامیوں پر بھرتی کیلئے دوڑ کاٹیسٹ مکمل ہو گیا۔ دوڑ میں دو خواتین بے ہوش کچھ تھک ہار کر بیٹھ گئیں اور بیشتر جوتے ہاتھ میں پکڑ کر دوڑتی رہیں۔ کچھ نوجوان اختتامی پوائنٹ سے قبل ہی تھک کر گر گئے۔تفصیلات کے مطابق پولیس کانسٹیبلوں کی 100 آسامیوں پر بھرتی کیلئے گزشتہ روز دوڑ کا انعقاد نجی ہا ئوسنگ سکیم میں کیا گیا جہاں پر صبح سویرے ہی مرد و خواتین امیدوار پہنچ گئے۔
دوڑ کے ٹیسٹ میں مجموعی طور پر 12سو 83 امیدواروں نے حصہ لیا جن میں ایک سو 3خواتین بھی شامل تھیں۔ لڑکوں کو 1.6 کلومیٹر کا فاصلہ 7منٹ میں طے کرنا تھا۔دوڑ کے دوران کئی امیدوار راستے میں ہی ہمت ہار گئے جبکہ خواتین کی دوڑ کیلئے 1.6 کلومیٹر کا فاصلہ 10 منٹ میں طے کرنا تھا۔خواتین کی دوڑ میں کچھ تو راستے میں ہی تھک ہار کر بیٹھ گئیں اور کچھ اپنے جوتے ہاتھ میں پکڑ کر دوڑتی رہیں۔ دوڑ کے دوران دو خواتین بے ہوش ہو گئیں جنہیں ریسکیونے موقع پر طبی امداد دی ۔
گوجرانوالہ: کانسٹیبلوں کی 100آسامیوں پر بھرتی کیلئے دوڑ ٹیسٹ مکمل، 2 خواتین بے ہوش ، بیشتر جوتے ہاتھ میں پکڑ کر دوڑتی رہیں ، نوجوان راستے میں تھک گئے
