قبریں مسمار کر نے والے گورکنوں کی گرفتاری کا حکم جاری،گوجرانوالہ کے 1400 قبرستانوں میں مافیا کا راج ،قبروں پر نئی قبریں بننے لگیں۔ تفصیلات کے مطابق ڈی سی گوجرانوالہ نے شہری حاجی عبدالقیوم ولد محمد شفیع کی تحریری شکایت پر ان کے دادا ،دادی ،والد اور والدہ کی قبریں مسمار کر کے نئی قبریں بنوانے والے گورکنوں کی گرفتاری کا حکم جاری کردیا ۔ ذرائع کے مطابق گورکن قبرستانوں کے خود ساختہ محافظ بن کر نہ صرف شہریوں کو لوٹ رہے ہیں بلکہ قبروں کو بلڈوز کر کے نئی قبریں بنا کر تقدس پامال کر رہے ہیں ۔ قبرستان کلاں سے معروف ناول نگار، ادیب تاج پرویز کی قبر بھی غائب کر دی گئی تھی ۔
گوجرانوالہ: 1400 قبرستانوں میں قبروں کے محافظ ہی قبریں مسمارکرنے لگے، گرفتاری کا حکم جاری، تفصیلات جان لیں
