صحابہ کرام ؓنے اپنی جانوں پر کھیل کرناموس رسالتؐ اور ختم نبوت ؐکا تحفظ کیا، انہیں رول ماڈل بنانا ہوگا، طارق یزدانی

مرکزی جمعیت اہلحدیث عالمی کے چیف آرگنائزرعلامہ طارق محمود یزدانی نے کہا ہے کہ تحفظ ناموس رسالتؐ اور تحفظ ختم نبوتؐ کیلئے صحابہ کرامؓ کو رول ماڈل بنانا ہوگا،صحابہ کرامؓ نے اپنی جانوں پر کھیل کرناموس رسالتؐ اور ختم نبوتؐ کا تحفظ کیا اور اپنے تن من دھن کی پروا ہ کئے بغیر عظمت وشان رسالتؐ کا جھنڈا بلند کیا ۔آج لوگ ناموس رسالتؐ اور ختم نبوتؐ کے نام پر اپنی اپنی دکانداری چکماتے ہیں۔
وہ عظمت صحابہ کانفرنس سے خطاب کر رہے تھے ۔اس موقع پرحکیم محمد افضل جمال آرگنائزر مرکزی جمعیت اہلحدیث عالمی سٹی گوجرانوالہ ،مولانا مبشر خاکی ،قاری محمد حنیف ربانی ،مولاناناصر مدنی ،مولانا منظور احمد ،مولانا امانت الرحمان عثمانی ،مولانا مشتاق چیمہ ،محمد یوسف کھوکھر ،علامہ شمشاد ناہرا ودیگر علماء نے بھی خطاب کیا ۔