گوجرانوالہ میں بجلی چوروں کے خلاف کریک ڈاؤن میں تیزی آگئی، گیپکو نے تفصیلات جاری کردیں

گیپکو کی ریجن بھر میں بجلی چوروں کے خلاف جاری مہم کے دوران گزشتہ روزمختلف حربوں سے بجلی چوری کرتے ہوئے 17بجلی چور رنگے ہاتھوںپکڑے گئے ۔ ملزمان میں کمال دین ، محمد عباس ، اکمل پرویز، بابر فاروق ، رب نواز، احسان اﷲ، دلدار، سید منظور حسین شاہ ، نواب شاہ ، عذرا بتول، محمد سلطان، ولایت حسین، اعجاز احمد،محمد نواز، عبدالرشید اور ذوالفقار احمدشامل ہیں۔
بجلی چوروں کو 47973 یونٹس کی مد میں 8لاکھ55ہزار روپے سے زائد کے ڈیٹیکشن بِل جاری کر دیئے گئے ہیں جبکہ تمام بجلی چوروں کیخلاف ایف آئی آر درج کروانے کیلئے متعلقہ تھانوں میں درخواستیں بھی دے دی گئی ہیں۔