گوجرانوالہ: پولیس کانسٹیبلز کی بھرتی ،جسمانی پیمائش اور دوڑ کا مرحلہ مکمل، تحریری امتحان کب ہوگا؟ ابھی جان لیں

پولیس میں کانسٹیبلز کی بھرتی کا عمل جاری ہے ،جسمانی پیمائش اور دوڑ کا مرحلہ مکمل کر لیا گیا ۔ گزشتہ روز ڈی آئی جی ٹریننگ محمد ادریس چیئرمین ریکروٹمنٹ بورڈ اور ایس ایس پی آپریشنز ثاقب سلطان المحمود سیکرٹری بورڈ اور ایس پی آپریشنز صدر لاہور علی رضا ممبر بورڈ نے اُمیدواروں کی جسمانی پیمائش اور دوڑ کے مختلف مر احل کی نگرانی کی
بھرتی کے لئے ریویو بورڈریجنل پولیس آفس میں چیف ٹریفک آفیسر غلام عباس تارڑ اور ایس پی لیگل مرزا سکندر کی سربراہی میں قائم کیا گیا ہے جس میں امیدواروں نے اپنے اپنے اعتراض جمع کرو ائے ۔ ریویو میں94امیدوار کامیاب ٹھہرے ۔اس طرح کل کامیاب اُمیدواروں کی تعداد 1748ہو گئی ہے ۔ جن میں 1647مرد جبکہ 107خواتین شامل ہیں۔تحریری امتحان 9دسمبر کو ہو گا۔ جب کہ ا نٹرویو بھرتی کا آخری مرحلہ ہو گا ۔سیکرٹری بورڈ ایس ایس پی آپریشنز کا کہنا ہے کہ بھرتی کے تمام مراحل کی فوٹو گرافی کے ساتھ ساتھ ویڈیو بھی بنائی گئی ہے ۔