گوجرانوالہ: قلعہ دیدار سنگھ ،لدھیوالہ پولیس نے 2ڈکیت گینگ پکڑ لئے، ڈاکوؤں کی مکمل تفصیلات سامنے آگئیں

تھانہ قلعہ دیدار سنگھ پولیس نے ایس پی سٹی ڈویژن وقار شعیب انور کی زیر نگرانی راہزنی میں ملوث آصف عرف آصو گجرگینگ کے تین ارکا ن کو گرفتار کر کے موٹر سائیکل ،ستر ہزار روپے ،ایک موبائل اور تین پستول برآمد کر لئے گرفتار ملزمان میں محمد آصف عرف آصوسکنہ محلہ تاج پورہ بند گلی ،امجد عرف انجو سکنہ قلعہ دیدار سنگھ اور ندیم محمود سکنہ حافظ آباد شامل ہیں سٹی پولیس آفیسر ڈاکٹر معین مسعودنے ایس ایچ اوعدنان اعجاز ، اے ایس آئی محمد ریاض، اے ایس آئی محمداختراور ٹیم کے دیگر ممبران کو شاباش دی ہے ۔ علاوہ ازیں چوکی انچارج لدھیوالہ سب انسپکٹر رانا محفوظ نے ٹیم کے ہمراہ مدوخلیل روڈ پر قبرستان عیسائیاں کے قریب ناکہ لگا کر شہریوں کو لوٹنے والے چار رکنی دانو ڈکیت گینگ کے سرغنہ عدنان عرف دانو ،نوید سلیم،وقار،منگر خان،احمد کو گرفتار کر کے اسلحہ برآمد کر لیا ۔