گوجرانوالہ: گورنمنٹ فقیر محمد فقیرپوسٹ گریجوایٹ کالج میں سالانہ مشاعرہ کا شاندار انعقاد

بزم اقبال گورنمنٹ فقیر محمدفقیر پوسٹ گریجوایٹ کالج پیپلز کالونی کے زیر اہتمام سالانہ مشاعرہ کا اہتمام کیا گیا جس میں ڈاکٹر سعید اقبال سعدی ، جان کاشمیری ، سیف اﷲ بھٹی ، حنیف ساقی ، پروفیسر شاہد محمود ، نجمہ شاہین ، پروفیسر نائلہ بٹ ، محسن شبیر جعفری ، ثاقب نگینہ ، راشد امام ، عصمت نذیر ، پروفیسر خالد نسیم سمیت دیگر شعراء نے اپنا کلام پیش کیا ۔ طلبا ء اور اساتذہ نے اس محفل مشاعرہ میں بھر پور شرکت کی ، تقریب سے خطاب کرتے ہوئے کالج کے پرنسپل پروفیسر آصف نعیم نے کہا کہ ہم نصابی سرگرمیوں کا طلبہ کی صلاحیتوں کو نکھارنے میں اہم کردار ہے ۔ کالج انتظامیہ آئندہ بھی ا یسی سرگرمیاں بلا تعطل جاری رکھے گی۔