کرسمس کی آمد پر گرجے سج گئے، حکومت نے مسیحی ملازمین کو کیا خوشخبری سنائی؟ ابھی جان لیں

مسیحی عوام کے مذہبی تہوار کرسمس ڈے کے لئے گرجاگھروں کی تزئین و آرائش تیز کر دی گئی ۔ شہر و ضلع سمیت ڈویژن بھر میںگرجاگھروںکو سجانے کا سلسلہ جاری ہے ۔ کرسمس ٹریز بھی بنائے جائینگے جبکہ بڑے دن یعنی ولادت حضرت عیسیٰؑ سے کئی دن پہلے ہی مسیحی آبادیوں کی گلیوں‘بازاروں‘راستوں پر لائٹنگ بھی شروع کر دی گئی ہے ۔ کرسمس کے موقع پر امریکہ‘برطانیہ‘یورپ سے غیر ملکی مہمانوں کی آمد بھی متوقع ہے ۔ حکومت پنجاب کی طرف سے مسیحی برادری کو سستی اشیائے خورونوش کی فراہمی کیلئے سستے کرسمس بازاروں کا انعقاد بھی متوقع ہے ۔ حکومت پنجاب اور وفاقی حکومت نے کرسمس سے پہلے تمام مسیحی سرکاری ملازمین کو تنخواہیں اور پنشن ادا کرنے کے احکامات جاری کر دیئے ہیں۔