گوجرانوالہ: پولیس نے پانچ منشیات فروشوں کو گرفتار کرلیا، بہن بھائی سے ایک کلو ہیروئین برآمد

واہنڈوپولیس نے ایک کلو ہیروئین برآمد کر کے بہن بھائی گرفتار کر لئے ۔ ایس ایچ اوتھانہ واہنڈو عارف محمود خان نے محلہ سلطان پورہ سے نازیہ عرف ناجو اور انتظار عرف تاجا کو گرفتار کیا ملزم غلہ منڈی واہنڈو میں منشیات فروخت کر رہے تھے ۔ علاوہ ازیں سیٹلائٹ ٹاؤن پولیس نے 3منشیات فروشوں کو گرفتار کر کے ان کے قبضہ سے 6275 گرام افیون برآمد کر لی۔
ملزمان میں خالدمحمود ولد محمد ابراہیم قوم راجپوت ،محمد عارف ولدنذیر محمد قوم انصاری سکنہ کوٹ بھوانی داس اور عمران الدین ولد محمد سبحان الدین قوم مغل پٹھان سکنہ احمد نگر روڈ وزیر آباد شامل ہیں ۔ سیالکوٹ کینٹ پولیس نے دوران گشت راشد سے 910گرام چرس، عثمان سے 140گرام، اشرف سے 120گرام اور تجمل سے 120گرام چرس برآمد کرکے تفتیش شروع کردی۔دریں اثناء صدر پولیس کامونکے نے منشیات فروش عامر علی سے بارہ سو چالیس گرام چرس اور پاک ٹاؤن کے محمد بوٹا سے دو سو اسی گرام چرس برآمد کرلی۔