گوجرانوالہ: پرنسپلز کی خالی نشستوں کیلئے انٹرویو کب ہوں گے؟ ابھی جان لیں

ڈائریکٹوریٹ کالجز نے گوجرانوالہ ریجن کے اکیس کالجوں میں سکیل 19اور 20کے پرنسپلز کی خالی نشستوں پر تعیناتی کیلئے امیدواروں کے پینل انٹرویو کیلئے نام ڈی پی آئی کالجز کو ارسال کردیئے ہیں، گوجرانوالہ ریجن کے سکیل 19کے بیس بوائز اور گرلز جبکہ سکیل 20کے ایک گرلز کالج میں پرنسپل کی عرصہ دراز سے سیٹیں خالی پڑی تھیں، خالی سیٹوں پر پرنسپلز کی تعیناتی کیلئے تمام کالجز کیلئے الگ الگ پینل بھجوائے گئے ہیں
ان میں ڈگری کالج برائے خواتین گکھڑ منڈی، ویمن کالج کامونکے ،ویمن کالج نوشہرہ ورکاں،ویمن کالج ڈسکہ، ویمن ڈگری کالج جلال پوربھٹیاں،ویمن ڈگری کالج پھالیہ ،بوائز کالج نوشہرہ ورکاں،جناح اسلامیہ کالج فار بوائز سیالکوٹ،زمیندار پوسٹ گریجوایٹ کالج فار بوائز گجرات سمیت دیگر کالجز شامل ہیں۔