حافظ آباد پولیس کی عمدہ کارکردگی، لاکھوں روپے نقدی، قیمتی جانوراور دیگر سامان مالکان کے حوالے، ملزمان کی تفصیل جان لیں

حافظ آباد پولیس نے 29مقدمات میں مطلوب بابری ڈکیت گینگ، شیری بھون مویشی چور گینگ، اوردھماکہ نقب زن گینگزکے 19ملزمان کو گرفتارکرکے ان سے 18لاکھ روپے سے زائد نقدی، 21 بھینسیں، 2 گائے ،2 موٹرسائیکلیں ، 3موبائل فونز سمیت 70لاکھ روپے سے زائد مالیت کا مال مسروقہ برآمدکرلیا ہے ۔ڈسٹرکٹ پولیس آفیسر ساجد کیانی نے پریس کانفرنس کے دوران بتایاکہ یہ تینوں خطرناک گینگز عرصہ دراز سے چوری ڈکیتی، مویشی چوری اورنقب زنی کی وارداتوں میں ملوث تھے ڈی پی او ساجد کیانی نے لاکھوں روپے کے مویشی اوردیگر مال38 اصل مالکان کے حوالے کیا۔