گوجرانوالہ کے نوجوان جوڈو کے بھی چیمپئن نکلے، پنجاب بھر میں شہر کا نام روشن کردیا

پنجاب انٹر ڈسٹرکٹ جوڈو چمپئن شپ گوجرانوالہ نے جیت لی ،کھلاڑیوں میں انعامات تقسیم کئے گئے ۔سٹی سپورٹس کمپلیکس میں ہونے والی چمپئن شپ میںپنجاب بھر سے 150 کھلاڑیوں نے حصہ لیا۔گوجرانوالہ نے 16پوائنٹس کے ساتھ پہلی ،لاہور نے 13پوائنٹس کے ساتھ دوسری اور فیصل آباد نے 9پوائنٹس کے ساتھ تیسری پوزیشن حاصل کی۔ چمپئن شپ کے مہمان خصوصی صدر پاکستان جو ڈو فیڈریشن خلیل الرحمان تھے ۔جنہوں نے جیتنے والے کھلاڑیوں میں میڈلز اورشیلڈز تقسیم کیں۔ ٹورنامنٹ کے آر گنائزر ڈویژنل صدرگوجرانوالہ حسنین رضا اور حافظ عمران کا کہنا تھا کہ جوڈو جاپانی کشتی ہے جو کہ پاکستان میں بھی مقبول ہو رہی ہے اس موقع پر ڈسٹرکٹ سپورٹس آفیسر عائشہ چیمہ بھی موجود تھیں ۔