گوجرانوالہ کے مختلف علاقوں میں پتنگ بازی جاری، پولیس مکمل روک تھام میں ناکام ہوگئی

پولیس گوجرانوالہ شہر میں پتنگ بازی پولیس پتنگ بازی کو روکنے میں ناکام ہوگئی اورگزشتہ روزکئی علاقوں میں بوکاٹا کاسلسلہ جاری رہا ۔ تفصیلات کے مطابق پنجاب حکومت کی طرف سے بسنت کا اشارہ ملنے کے ساتھ ہی گوجرانوالہ کے لوگوں نے پتنگوں اور ڈور کا سٹاک اکٹھا کرنا شروع کر دیا ہے جبکہ گزشتہ روز بھی پتنگ بازی عروج پر رہی اور کالج روڈ ،گورونانک پورہ ، گھنٹہ گھر ، اسلام محلہ ، نور باوا ، نوشہرہ روڈ ، سیٹلائیٹ ٹاؤن ، فرید ٹاؤن ، سول لائن ،جناح روڈ ، نرسری چوک ، کھوکھر کی اور کوتوالی کے علاقوں میں سارا سارا دن ‘‘بوکاٹا’’کاشوررہا ، شہریوں کا کہنا تھا کہ تھانوں کے ایس ایچ اوز پتنگ بازی کو روکنے میں بری طرح ناکام ہو چکے ہیں۔