نوسر بازبینظیر انکم سپورٹ پروگرام کا جھانسہ دیکر شہریوں کو لوٹنے لگے

نوسر باز موبائل فون پر ایس ایم ایس کرتے ہیں کہ آپ کا بینظیر انکم سپورٹ پروگرام کی طرف سے 25ہزار روپے کا انعام نکلا ہے اور آپ اس نمبر پر رابطہ کریں ، رابطہ پر ایک کوڈ دیا جاتا ہے جو منی ٹرانسفرشاپ پر جاکر بتاتے ہیں تو اکاؤنٹ میں رقم آنے کے بجائے نوسر بازوں کے اکاؤنٹ میں چلی جاتی ہے ، جھانسہ میں آکر متعدد افراد جمع پونجی گنوابیٹھے ہیں ۔متاثرین نے الزام عائد کیا کہ بینظیر انکم سپورٹ پروگرام کے دفتر میں جاکربھی شکایات کرچکے ہیں لیکن شنوائی نہیں ہوئی ، حکام نو ٹس لیں ۔