تھانہ سبزی منڈی پولیس نے آصف عرف آسو ڈگیت گروہ کے تین ارکان گرفتار کر کے دوران تفتیش ان کے قبضہ سے چھ موٹر سائیکل، ایک لاکھ پچاس ہزارر وپے نقدی،دس موبائل فونز اور تین پسٹل برآمدکرلئے ہیں۔ گرفتار ملزمان میں آصف عرف آسو منہاس سکنہ شہباز کالونی، وقاص گھمن سکنہ گلہ مہر نور والا اور رضوان سکنہ کچا ایمن آباد روڈ شامل ہیں۔
تفصیلات کے مطابق تھانہ سبزی منڈی کے علاقے میں ڈکیت گروہ کے متحرک ارکان کی گرفتاری کے لئے ایس پی سٹی عبدالقیوم گوندل نے محدود وقت میں ملزمان کی گرفتاری کے لئے ایس ڈی پی او کھیالی کو خصوصی ٹاسک دیا جنہوں نے ایس ایچ او تھانہ سبزی منڈی انسپکٹر ساجد سوہل و دیگر پولیس افسران پر ٹیم تشکیل دی اورملزمان کی گرفتاری کے لئے تحر ک کیا۔علاقے میں خفیہ ناکہ بندی کی گئی۔ خفیہ اطلاعات کے حصول کو تیز کیا گیا اور پیشہ وارانہ مہارت کی بدولت آصف عرف آسو گروہ کے ارکان کو حراست میں لیا گیا۔ملزمان نے دوران انٹروگیشن انکشاف کیا کہ وہ بسوار ی موٹر سائیکل اور کبھی کبھی پیدل چل کر گلیوں میں موٹر سائیکل سواروں کو اسلحہ کے زور پر روکتے اور ان سے موٹر سائیکل، نقدی اور قیمتی اشیاء چھین لیتے۔ملزمان سے تفتیش جاری ہے۔گینگ کے دیگر ارکان کی گرفتاری کے لئے بھی تحرک کیا جا رہا ہے۔ سماجی و کاروباری حلقوں سمیت شہریوں نے بھی پولیس کی کارروائی کو سراہا ہے
گوجرانوالہ: سبزی منڈی پولیس کی کارروائی، آسو ڈکیت گینگ کے تین ارکان گرفتار
