گوجرانوالہ میں کوڑے کے ڈھیروں نے صفائی مہم کی قلعی کھول دی

گوجرانوالہ میں کوڑا کر کٹ کے انبار نے ایک ہفتے کے دوران یکے بعد دیگرے شروع ہوانے والی کلین اینڈ گرین اور گو گرین گوجرانوالہ صفائی مہم کی قلعی کھول دی ہے ۔تفصیلات کے مطابق ایک ہفتہ قبل کمشنر اور ڈپٹی کمشنر نے خود جھاڑو لگا کر صفائی مہم کا آغاز کیالیکن ابھی وہ مہم مکمل نہیں ہوئی تو ساتھ ہی گو گرین گوجرانوالہ مہم کا بھی آغاز کر دیا گیا ،دو مختلف طرز کی مہم کے باوجود شہر کی تصویر پرانی ہے اورشہرکو صاف ستھرا بنانے کا خواب صرف دعوؤں تک ہی محدود ہے ۔روزانہ بارہ سو ٹن پیدا ہونے والے کوڑے کو ٹھکانے لگانے میں انتظامیہ مکمل طور پر ناکام ہے ۔