گوجرانوالہ: اغواء ہونے والی لڑکی کون ہے؟ تفصیلات منظر عام پر آگئیں

گوجرانوالہ کے علاقہ چندا قلعہ کے قریب واقع سٹی ہاوسنگ سوسائٹی سے مبینہ اغوا ہونے والی خاتون اسٹیج اداکارہ سلک شہزادی نکلی، گزشتہ روز کار اور جیپ پر سوار پانچ افراد آئے اور زبردستی اسے اسلحہ کے زار پر اٹھا کرساتھ لے گئے تھے۔ پولیس کے مطابق سلک شہزادی ان دنوں گھر میں اکیلی رہائش پزیر تھی لیکن اس کے پاس اکثر اسٹیج ڈانسرز کا آنا جانا لگا رہتا تھا۔ پولیس کی ابتدائی تحقیقات کے مطابق اسٹیج اداکارہ کو کرایہ پر مکان سابق پولیس کانسٹیبل علی بٹ نے لے کر دیا تھا
پولیس اہلکار علی بٹ کو تین سال قبل محکمہ پولیس سے برخاست کیا جاچکا ہے کیونکہ تھانہ اروپ میں تعیناتی کے دوران ایک زیرحراست خاتون سے مبینہ زیادتی کا واقعہ سامنے آیا تھا، واقعہ کے بعد سے برخاست پولیس اہلکار علی بٹ بھی روپوش ہے۔ پولیس کا اس حوالے سے کہنا ہے کہ مزید تحقیقات جاری ہیں۔