گوجرانوالہ: حافظ آبادروڈ سمیت مختلف مقامات پر کوڑے کے ڈھیرسے سڑکیں بلاک، شہری پریشان

گوجرانوالہ حافظ آباد روڈ پر کوڑے کے ڈھیرکے باعث روڈ بلاک ہوگیا ۔بدبواور ون وے ٹریفک کی وجہ سے شہریوں کوشدیدمشکلات کاسامناہے ۔تفصیلات کے مطابق حافظ آباد روڈ گھوڑے شاہ چوک میں کوڑے کے بڑے بڑے ڈھیرلگے ہوئے ہیں ۔ڈپٹی کمشنر کی طرف سے دی گئی 29جنوری کی ڈیڈلائن بھی گزر گئی ہے اورصاف وستھرا شہر کا دعویٰ پورا نہیں ہوسکا اور اب کوڑے سے شہر کی مختلف سڑکیں اٹی پڑی ہیں ،شہر کی اہم شاہراہ پر کوڑا کرکٹ کی وجہ سے نہ صرف ٹریفک کی روانی متاثر ہورہی ہے بلکہ اس گندگی سے شہری موذی امراض میں مبتلا ہورہے ہیں ،شہریوں کا کہنا ہے کہ کوڑے کے ڈھیر کی وجہ قریبی آبادی کے باسیوں کا سانس لینا محال ہوچکا ہے جبکہ متعلقہ حکام کو متعدد بار اس بارے اطلاع دے چکے ہیں مگر کوئی شنوائی نہیں ہوئی ۔