خوشخبری، گوجرانوالہ پریمیئر لیگ کب شروع گی؟ جان لیں

گوجرانوالہ پریمئیر کر کٹ لیگ 10مارچ سے شروع ہو گی ۔ان خیالات کا اظہار کمشنر گوجرانوالہ اسد اللہ فیض نے قومی کر کٹرز حسن علی اور بلاول بھٹی کے ہمراہ کے میڈیا سے گفتگو کرتے ہوئے کیا۔کمشنر گوجرانوالہ نے کہاکہ پریمئیر لیگ پاکستان سپر لیگ فارمیٹ کی طرح ہو گی ۔ 10 مارچ کو جناح سٹیڈیم میں اس کا افتتاح کیا جائے گا۔قومی کر کٹ ٹیم کے فاسٹ بائولر حسن علی نے کہاکہ جی پی ایل سے اس شہر کی کرکٹ کو فروغ ملے گا۔گوجرانوالہ پریمیئر لیگ سے نوجوان کھلاڑیوں کو سیکھنے کا اچھاموقع ملے گا،جو بھی انٹرنیشنل کرکٹر فری ہوگا وہ کرکٹ کھیلنے گوجرانوالہ آئے گا، ہمارا ملک پرامن ہے دوسرے کھلاڑیوں کو پاکستان آنا چا ہئے ،اس دفعہ پی ایس ایل میں پاکستانیوں کو بھر پور کرکٹ دیکھنے کو ملے گی ۔ میرے خواہش ہے کہ پی ایس ایل کا فائنل گوجرانوالہ میں ہو ۔گوجرانوالہ پریمیئر لیگ میں شعیب ملک، سرفراز سمیت بڑے کھلاڑی کھیلیں گے ۔اس موقع پر ٹیسٹ کر کٹر بلاول بھٹی نے کہاکہ گوجرانوالہ پریمئیر لیگ شہر میں کر کٹ کے فروغ کیلئے اچھا اقدام ہے ۔پریس کانفرنس میں انٹرنیشنل کر کٹر نعمان انور،گوجرانوالہ پریمئیر لیگ کے صدر بلال ریاض سیکھو،فرسٹ کلاس کرکٹر عطا الرحمن ودیگربھی موجودتھے ۔