نوشہرہ ورکاں:کار اور ویگن میں تصادم،نجی کالج کا استاد جاں بحق

تیز رفتاری کے باعث کار اور وین میں تصادم سے نجی کالج کا نوجوان ٹیچر جاں بحق اورچار زخمی ہوگئے ۔ اسپائر کالج تتلے عالی (کوٹ بلال ) کے ٹیچرز اپنی گاڑی میں نوشہرہ ورکاں آرہے تھے کہ موضع ماڑی بھنڈراں کے قریب مسافر ٹیوٹا وین سے تصادم ہو گیا جس کے نتیجے میں خضر حیات،محمد رضوان سمیت پانچ افراد شدید زخمی ہوگئے ۔ریسکیو 1122کی ٹیم نے زخمیوں کو ٹی ایچ کیو ہسپتال نوشہرہ ورکاں پہنچایا جہاں ابتدائی طبی امداد دی گئی ایک زخمی رضوان عابد ورک کو گوجرانوالہ ریفر کیا گیا جہاں وہ زخموں کی تاب نہ لاتے ہوئے دم توڑ گیا ۔