گوجرانوالہ میں 15 فروری کو بسنت کی تیاریاں، پولیس نے درجنوں گرفتار کرلیے

گوجرانولہ کے شہریوں نے پتنگ بازی پر پابندی کا بو کاٹا کر دیا اورشہر بھر میں پتنگ بازی کے باعث بسنت کا سماں رہا جبکہ پولیس نے درجنوں پتنگ باز گرفتار کرنے کا دعویٰ کیا ہے ۔ تفصیلات کے مطابق گزشتہ روز شہر اور گردونواح میں پتنگ بازی کا سلسلہ عروج پر رہا ، سارا دن بچے اور بڑے چھتوں پر پتنگ بازی کرتے رہے ، اندرون شہر پتنگوں اور کیمیکل ڈور کی فروخت بھی جاری رہی ،گو جرانوالہ کے علاقہ کچی پمپ والی ، کھوکھر کی ، اسلام محلہ ، نور باوا ، نوشہرہ روڈ ، بس سٹاپ ، کالج روڈ ، فرید ٹاؤن ، سول لائن ،جناح روڈ ، نرسری چوک ، گورونانک پورہ ، گھنٹہ گھر ، سیٹلائٹ ٹاؤن اور کوتوالی کے علاقوں میں پتنگ بازی ہوتی رہی جبکہ دوسری طرف منچلوں نے 15 فروری کو بسنت منانے کی تیاری بھی شروع کر رکھی ہے ۔