میرا چالان کیوں کیا؟ ہائی وے پولیس کی وین سے لاکھوں روپے لوٹ لئے، مکمل تفصیلات جان لیں

چالان کرنے پر ڈاکو نے ہائی وے اینڈ موٹر وے پولیس کی فائن کولیکشن وین کے ڈرائیوراورکیشیئر سے مل کرلاکھوں روپے لوٹ لئے ، تھانہ صدر پولیس نے چاروں ملزموں کو گرفتار کر کے ان کے قبضہ سے 5 لاکھ 75 ہزار روپے ، چار پستول اور 6 موبائل فونز برآمد کر لئے ۔ گرفتار ملزموں میں شکیل عرف شکیلو سکنہ ایمن آباد ،محمد سلیمان عرف سلمانو سکنہ چیانوالی، یحییٰ سکنہ کامونکے اور فیصل جمیل سکنہ چیانوالی شامل ہیں ۔ دوران تفتیش ملزم شکیل نے انکشاف کیا کہ ہائی وے اینڈموٹر وے پولیس کے اہلکاروں نے اس کا چالان کیا تھا جس کا بدلہ لینے کے لئے اس نے فائن کولیکشن وین کے ڈرائیوراورکیشیئر سے مل کرلاکھوں روپے لوٹ لئے ۔