گوجرانوالہ: شہر کی مختلف یونین کونسلز سیوریج کے پانی میں ڈوب گئیں، انتظامیہ خاموش

یونین کونسل 41/5 کا محلہ امیر پارک کے علاقے سمیت مختلف یونین کونسلز سیوریج کے پانی میں ڈوب چکی ہیں، گندگی اور بدبو سے مکینوں کا گھروں سے باہر نکلنا اور بچوں کا سکول جانا بھی دشوارہو گیا۔ سیوریج سسٹم کی خرابی کی وجہ سے ان علاقوں کی گلیاں اور بازارجوہڑ کا منظر پیش کررہے ہیں۔
علاقہ مکینوں نے کہا کہ جب سے نئی حکومت آئی ہے علاقے میں صحت و صفائی کا نظام ٹھپ ہو کر رہ گیاہے اور اس یونین کونسل کو لاوارث چھوڑ دیاگیاہے ۔ جگہ جگہ گندگی اور کچرے کے ڈھیرلگے ہیں ۔ حکمرانوں سے ہمارامطالبہ ہے کہ سیوریج اور صفائی کا نظام جلد ٹھیک کیاجائے ۔