گوجرانوالہ: عابو مویشی چور گروہ کے چار ارکان گرفتار، نقدی اور بھینس برآمد

سی آئی اے پولیس نے کارروائی کرتے ہوئے عابد عرف عابو مویشی چور گروہ کے 4ارکان گرفتار کر کے ان کے قبضہ سے 5لاکھ روپے نقدی اور ایک بھینس برآمد کر لی ۔ گرفتار ملزموں میں عابد عرف عابی جٹ ، جاوید اقبال گورائیہ سکنہ تیرہ ہزارہ بہاولپور، فیصل جٹ اور عمر منہاس شامل ہیں ۔ ضلع بھر میں مویشی چوری کی روک تھام کے لئے سٹی پولیس افسر ڈاکٹر معین مسعود کی ہدایات پر ڈی ایس پی سی آئی اے عمران عباس چدھڑ نے سب انسپکٹر عمران خالد،اے ایس آئی عثمان رفیق، ہیڈ کانسٹیبل سلطان محمود، محمد شعیب ، وکالد حسین و دیگر پولیس افسروں پر ٹیم تشکیل دی ۔جس نے مختلف علاقوں سے ملزموں کے کوائف ا کٹھے کیے اور عابد مویشی گروہ کے ملزموں کو شامل تفتیش کیا ۔ملزمان نے انکشاف کیاکہ انہوں نے کینٹ ، اروپ ، لدھے والا اور سیالکوٹ کے علاقہ ڈسکہ و ستراہ سے مختلف ڈیروں سے مویشی چوری کیے ہیں ۔عابد مویشی گروہ کے ار کان کی گرفتاری پر سٹی پولیس افسر کا کہنا ہے کہ ملزمان کے خلاف کارروائی جاری ہے ۔ ان سے مویشی برآمد اور اصل مالکان کو واپس کیے جائیں گے ۔