10مارچ سے شروع ہونیوالی گوجرانوالہ پریمیئر لیگ کیلئے 700کھلاڑیوں کے ٹرائل مکمل ہوگئے جن میں سے 160کھلاڑیوں کی سلیکشن کی گئی ہے اوریہ کھلاڑی پریمیئر لیگ کی آٹھ ٹیموں میں شامل ہونگے ۔ تفصیلات کے مطابق 10مارچ سے جناح سٹیڈیم گوجرانوالہ میں شروع ہونے والی لیگ کیلئے گزشتہ روز ضلع بھر کے سات سو کھلاڑیوں نے پریمیئر لیگ میں شرکت کیلئے ٹرائل دئیے ، ٹرائل فرسٹ کلاس کرکٹر عطا الرحمان اور عتیق الرحمان نے لئے ، ٹرائل میں 426بلے باز، 250سپنرز اور فاسٹ بائولرز اور 24وکٹ کیپرز نے شرکت کی اور اپنے فن کے جو ہر دکھائے ، ٹرائل میں میرٹ پر آنے والے 160کھلاڑیوں کا اعلان بھی کردیا گیا ہے جو آٹھ مختلف ٹیموں میں شامل ہونگے ، ٹرائل کے موقع پر ریجنل کرکٹ ایسوسی ایشن کے صدر محمد نعمان بٹ، ڈسٹرکٹ کرکٹ ایسوسی ایشن کے سابق سیکرٹری انصر ظفر راٹھور بھی موجود تھے ، اس موقع پر چیئرمین پریمیئر لیگ بلال ریاض سیکھو کا کہنا تھا کہ ٹرائل میں کھلاڑیوں کا چنائوں میرٹ پر ہوا ہے ، پریمیئر لیگ کے انعقاد سے شہریوں کو اچھا ایونٹ دیکھنے کو ملے گا۔
گوجرانوالہ پریمیئر لیگ کیلئے 700 کھلاڑیوں کے ٹرائل 160 کی سلیکشن 8 ٹیمیں تشکیل دی جائیں گی
