گوجرانوالہ: پولیس افسر اور صحافی بن کر شہریوں سے لاکھوں روپے لوٹنے والا نوسرباز پکڑا گیا

پولیس کے مطابق ملزم قیصر خود کو ڈی ایس پی ظاہر کرکے مخیر حضرات سے فون پر پیسے مانگتا، ملزم کا دوسرا ساتھی علی بیمار صحافی بننے کی ایکٹنگ کرکے پیسے وصول کرتا، ملزمان اب تک لاکھوں روپے لوٹ چکے ہیں۔ ڈی ایس پی عمران عباس کے مطابق نوسرباز کئی پولیس افسران کو بھی چونا لگا چکے ہیں۔ پولیس نے 4 ملزمان کو گرفتار کرلیا ہے اور نوسربازی میں استعمال ہونے والے موبائل اور سمز برآمد کرلی ہیں۔