پریمیئرلیگ:پرائم تھنڈر نے گوجرانوالہ ڈولفن کوپچھاڑدیا، احمد شہزاد کی شاندار پرفارمنس، تفصیلات جان لیں

گوجرانوالہ پریمیئر لیگ کے گیارہویں میچ میں پرائم تھنڈر نے گوجرانوالہ ڈولفن کو آٹھ وکٹوں سے شکست دیدی ، قومی کرکٹر احمد شہزاد 71 رنز کے ساتھ 4 کھلاڑیوں کو آئوٹ کرکے مین آف دی میچ قرار پائے ۔ گزشتہ روز جناح سٹیڈم میں کھیلے گئے میچ میں گوجرانوالہ ڈولفن نے پہلے کھیلتے ہوئے مقرر اوورز میں 179 رنز بنائے ،گوجرانوالہ ڈولفن کی طرف سے ساجد نے 42، احمد نے 32 اور بلاول بھٹی نے 26 رنز کی اننگز کھیلی ۔ گوجرانوالہ تھنڈر کی طرف سے قومی کرکٹر احمد شہزاد نے 4 اور خرم نے 2 کھلاڑیوں کو پویلین کی راہ دکھائی، پرائم تھنڈرنے ہدف آٹھ وکٹوں کے نقصان پر پورا کرلیا، احمد شہزاد نے 71 اور امجد آفریدی نے 50 رنز کی شاندار اننگز کھیل کر ٹیم کی جیت میں اہم کردار ادا کیا ۔ آج عطا کنگ اور جنڈیالہ ٹائیگرز کے درمیان میچ کھیلا جائے گا اورجیتنے والی ٹیم کوارٹر فائنل کیلئے کوالیفائی کرلے گی۔