جامعہ گجرات میں رنگا رنگ یونیورسٹی سپورٹس لیگ کا آ غاز ،48 ٹیمیں شریک

جامعہ گجرات میں یونیورسٹی سپورٹس لیگ کی افتتاحی تقریب منعقد کی گئی ، مہمان خصوصی رجسٹرار ڈاکٹر طاہر عقیل تھے ۔ پنجاب کی پبلک سیکٹر یونیورسٹیوں کے مابین دوستانہ کرکٹ میچوں کا انعقاد ہوگا۔ ڈاکٹر طاہر عقیل نے کھلاڑیوں کی حوصلہ افزائی کرتے ہوئے کہا کہ نسل نو میں کھیلوں کا فروغ معاشرتی امن و استحکام کا وسیلہ ہے ، کھیل پاکستانی تہذیب و ثقافت کا اہم حصہ ہیں۔ مقابلہ جات میں پنجاب بھر سے 48یونیورسٹیوں کی مرد و خواتین کرکٹ ٹیمیں شرکت کر رہی ہیں۔