گوجرانوالہ: اسد کالونی کھیالی شاہ پور بازار مکی روڈ پر کچرے کے ڈھیر، انتظامیہ خاموش

اسد کالونی کھیالی شاہ پور بازار مکی روڈ پر کچرے کے ڈھیر لگ گئے ، گندے نالے میں کوڑا کرکٹ پھینکنے سے اٹھنے والی بدبو اور تعفن نے شہریوں کو وبائی امراض میں مبتلا کرنا شروع کردیا ، کچرے کی وجہ سے نکاسی آب کا نظام بھی بری طرح متاثرہوچکاہے ، اس حوالے سے شہریوں نے کہا کہ چند ماہ سے شہر میں صفائی کے ناقص انتظامات کے باعث جگہ جگہ کچرے کے ڈھیر پڑے ہوئے ہیں، مرے ہوئے جانوروں کی باقیات کی وجہ سے ان ڈھیروں سے اٹھنے والا تعفن مقامی لوگوں کیلئے وبال جان بن چکاہے اوران میں وبائی امراض پھیل رہے ہیں ۔علاقہ مکینوں عظیم طالب شاہ،حاجی تحسین، عبدالرحمن،پروفیسر محمد احمد شاد،محمد طفیل و دیگر نے مطالبہ کیا ہے کہ علاقہ میں صحت و صفائی کے نظام کو درست کیا جائے اورکوڑے کرکٹ کے ڈھیرفوری اٹھوائے جائیں اور گندے نالے پر سلیب ڈالے جائیں ۔