کمشنر کبڈی گولڈ کپ حافظ آباد کی ٹیم نے پانچ پوائنٹس کی برتری کے ساتھ جیت لیا ۔ انصاف سپورٹس اینڈ کلچر ونگ کے زیر اہتمام کمشنر گولڈ کپ کبڈی ٹورنامنٹ ہوا جس میں گوجرانوالہ ڈویژن کے 6اضلاع کی ٹیموں نے حصہ لیا۔فائنل کیلئے گوجرانوالہ اور حافظ آباد کی ٹیموں نے کوالیفائی کیا۔ دونوں ٹیموں کے کھلاڑی بار ی باری میدان میں اترے اور اپنے پوائنٹس کو بڑھاتے رہے ۔ تماشائیوں نے بھی دل کھول کر کھلاڑیوں کو داد دی ۔ حافظ آ باد کی ٹیم نے 46پوائنٹس کے ساتھ فتح کا تاج پہنا جبکہ 41پوائنٹس کے ساتھ گوجرانوالہ کی ٹیم دوسرے نمبر پر رہی ۔ میچ کے مہمان خصوصی تحریک انصاف سنٹرل پنجاب کے صدر عمر ڈار تھے جنہوں نے کھلاڑیوں میں انعامات تقسیم کیے ۔اس موقع پر صدیق مہر ،طارق گجر ،لالہ اسد اللہ پاپا،رضوان اسلم بٹ ، بابر رحمن ودیگر بھی موجود تھے ۔
کمشنر کبڈی گولڈ کپ حافظ آباد نے سخت مقابلہ کے بعد 5 پوائنس سے جیت لیا، تفصیلات جان لیں
