گوندلانوالہ میں پولیس اہلکاروں کی مخالفین پر فائرنگ، ایک شخص شدید زخمی، 14 افراد گرفتار، تفصیلات جان لیں

گوندلانوالہ میں پولیس ملازمین پر مشتمل گروہ کا زمین کے تنازع پر چھگڑ ہوا جھگڑے میں پولیس اہلکاروں کی فائرنگ سے شعیب نامی شخص شدید زخمی پولیس نے تین پولیس اہلکاروں سمیت دونوں گروپوں کے چودہ افراد کو گرفتار کر کے مقدمہ درج کر لیا۔
تھانہ اروپ کے علاقہ گوندلانوالہ میں پولیس ملازمین پر مشتمل گروہ کا زمین کے تنازع پر جھگڑا ہوا۔ جھگڑے میں پولیس اہلکاروں کی فائرنگ سے شعیب نامی شخص شدید زخمی ہوگیا جسے طبی امداد کیلئے کو ڈی ایچ کیو ہسپتال منتقل کر دیا گیا، اطلاع ملنے پر پولیس نے موقع پر پہنچ کر دونوں گروپوں کے چودہ افراد کو گرفتار کر لیا ہے جبکہ پولیس نے گرفتار افراد میں تین پولیس اہلکاروں کو بھی گرفتار کرلیاہے۔ مرکزی ملزم سب انسپکٹر شفیق اور دیگر پولیس اہلکار موقع سے فرار ہو گئے جبکہ پولیس کاکہناہےکہ سب انسپکٹر شفیق اور زخمی شعیب کے درمیان پلاٹ کا تنازعہ ہے، دونوں قریبی رشتہ دار بھی ہیں جبکہ پولیس کا کہنا ہے کہ سادہ کپڑوں میں ملبوس سب انسپکٹر ساتھی پولیس اہلکاروں کیساتھ قبضہ لینے گئےتھے جبکہ عدالت سے سب انسپکٹر شفق کیس جیت چکا ہے مگر پولیس اہلکاروں نے موقع پر جا کر بدمعاشی کی جن کے خلاف مقدمہ درج کرکےکاروائی شروع کر دی گئی ہے