سوئی ناردرن گیس کمپنی کے زیر اہتمام سالانہ کھیلوں میں گوجرانوالہ ریجن کی ٹیم نے کر کٹ چیمپئن ہونے کا اعزاز حاصل کر لیا۔ سوئی ناردرن گیس کمپنی کے زیر ہتمام سپورٹس گالہ کا انعقاد ہوا جس میں21ریجنز کی ٹیموں نے حصہ لیا۔فائنل میں لاہور ریجن نے پہلے بیٹنگ کرتے ہوئے مقررہ اوورز میں56رنز بنائے ۔جواب میں گوجرانوالہ ریجن کی ٹیم نے بغیر کسی نقصان کے ہدف تین اوورز میں مکمل کر لیا۔ کامیابی پر گوجرانوالہ سوئی گیس دفتر میں جشن منایا گیا ۔جنرل منیجر شہزاداقبال لون نے کھلاڑیوں کو شاندار کامیابی پرمبارکباد دی۔انہوں نے کہا کہ صحت مند معاشرہ کے قیام کیلئے کھیل کے میدان آباد کرنا ہونگے ۔
سوئی گیس کرکٹ ٹورنامنٹ گو جرانوالہ ریجن نے جیت لیا، تفصیلات جان لیں
