گوجرانوالہ: پوسٹ گریجوایٹ کالج برائے خواتین میں تقریب تقسیم انعامات، تفصیلات جان لیں

چیئرمین پی ایچ اے ایس اے حمید اور ڈائریکٹر کالجز گوجرانوالہ زبیر خلیل نے کہا ہے کہ سرکاری کالجز طلبا و طالبات کو معیاری تعلیم فراہم کرکے بچوں کا مستقبل سنوار رہے ہیں۔ ان خیالات کا اظہار انہوں نے گورنمنٹ پوسٹ گریجوایٹ کالج برائے خواتین سیٹلائٹ ٹائون میں سالانہ تقریب تقسیم انعامات کے موقع پر خطاب کرتے ہوئے کیا، اس موقع پرنسپل کالج ڈاکٹر کوثر خالد، وائس پرنسپل نوشابہ فاضل نے کہا کہ کالج کے تمام اساتذہ کی کوششوں اور محنتوں کی وجہ سے کالج کی طالبات کا رزلٹ ہمیشہ سے اچھا رہا ہے ۔ تقریب میں طالبات کو بہترین کارکردگی پر شیلڈ انعامات دیئے گئے ۔ تقریب سے قبل ایس اے حمید کی طرف سے کالج میں پودا بھی لگایا گیا۔