گوجرانوالہ: ڈائلسزسنٹر کیلئے ایک کنال 13مرلے ارا ضی فراہم کر دی گئی، تفصیلات جان لیں

کمشنر گوجرانوالہ وقاص علی محمود نے انجمن فلاح وبہبود انسانیت کے تحت چلنے والے کڈنی ڈائلسز سنٹر کو ایک کنال 13 مرلے اراضی دے دی جس کے کاغذات ڈائلسز سنٹر کے ڈائریکٹر ایڈمنسٹریشن سید امیرکرمانی کو سونپ د ئیے ۔ اراضی اورکاغذات کے حصول کیلئے انجمن فلاح و بہبود انسانیت کئی سال سے کوشاں تھی، کاغذات ملنے پر اس اراضی پر سٹیٹ آف دی آرٹ بلڈنگ تعمیر کرنے کا اعلان کردیا گیا ۔ کمشنر آفس میں منعقدہ تقریب میں فاروق ڈار ،عرفان محمود بٹ ،راناناصر محمود ،ڈاکٹر منظور حسین ،ملک ندیم ،عاکف ڈار ،واجد ضمیر ،شیخ طارق اقبال،عاصم بٹ ،مدثر حنیف اور دیگر نے بھی شرکت کی ۔