گوجرانوالہ: پھولوں کی نمائش کی تیاری کا عمل تیزی سے جاری :ایس اے حمید

شہریوں کو بہار کے رنگوں سے مستفید کرنے کیلئے پھولوں کی نمائش کی تیاری کا عمل تیزی سے جاری ہے ، 12تا14اپریل کوگلشن اقبال پارک میں بہار کے رنگ بکھیرنے کیلئے 1500 اقسام کے رنگ برنگے پھولوں کو تیار کیا جا رہا ہے ، جن کو دلکش اور خوشنما انداز میں سجا کر عوام کی دلچسپی کیلئے پیش کررہے ہیں تاکہ شہری لہلہاتے پھولوں اور دلفریب نظاروں سے محفوظ ہو کر ذہنی تروتازگی حا صل کر سکیں۔ ان خیالات کا اظہار چیئرمین پی ایچ اے ایس اے حمید ایڈووکیٹ نے پی ایچ اے نرسری کے دورہ کے موقع پرپھولوں کی تیاریوں کے کام کا جائزہ لیتے ہوئے کیا۔انہوں نے عملہ کو تیاری کا عمل تیز کرنے کی ہدایات دیتے ہوئے کہا کہ گوجرانوالہ میں فیملیز کے ساتھ پر سکون تفریحی ماحول سے لطف اندوزہونے پر مبنی پروگرامز کا انعقاد کبھی کبھار ہی ہو تا ہے ۔