گوجرانوالہ میں انوکھی ڈکیتی، ڈاکو نے کھلونا پستول دکھا کر کروڑوں لوٹ لئے، تفصیلات جان لیں

متفرق
گوجرانوالہ: کھلونا پستول سے کروڑوں کی ڈکیتی
گوجرانوالہ میں کھلونا پستول سےدو کروڑ70 لاکھ روپے کی ڈکیتی کی واردات ہوئی ہے۔
گوجرانوالہ میں ریس کورس روڈ پر واردات تین روز قبل فیکٹری مالک عبدالحمید کے گھر میں ہوئی تھی۔ سی پی او کے مطابق واردات میں ملوث ملزم کو گرفتار کر لیا گیا ہے۔
سی پی او معین مسعود کا کہنا ہے کہ ملزم سے سونا اور رقم برآمد کر لی گئی ہے۔
دوسری جانب ملزم کا کہنا ہے کہ جب وہ واردات کرنے گئےتوگھر میں صرف چوکیدار تھا۔ ملزم نے اپنے بیان میں بتایا کہ اس نے واردات میں پلاسٹک کا پستول استعمال کیاتھا۔
ملزم نے بتایا کہ پستول سے چوکیدارکو ڈرایا اور پھر اسے باتھ روم میں بندکردیا اس کے بعدڈکیتی کی۔