گوجرانوالہ پولیسں کی اعلی کارکردگی، پنجاب بھرمیں پہلے نمبرپرآگئی، تفصیلات جان لیں

ضلع گوجرانوالہ پولیس نے اے کیٹیگری کے 206 اشتہار ی مجرموں کو گرفتار کر کے پنجاب بھر میں اول پوزیشن حاصل کر لی ۔ تمام مجرم قتل ، اغوا برائے تاوان ، ڈکیتی اور دیگر سنگین مقدمات میں ملوث ہیں ۔ مجرموں کو تفتیش کے بعد جیل روانہ کر دیا گیا ۔ اس حوالہ سے گفتگو کرتے ہوئے سی پی او ڈاکٹر معین مسعود نے کہاکہ 206اشتہاری مجرموں کی ریکارڈ وقت میں گرفتاری ضلعی پولیس کا قابل تحسین کارنامہ ہے ۔