گوجرانوالہ: ڈی سی اورسی پی اوکا سبزی و فروٹ منڈی کھیالی کا دورہ، دونوں افسران نے قیمتوں کا معائنہ کیا

ڈپٹی کمشنر نائلہ باقر اور سی پی او ڈاکٹر معین مسعود نے سبزی و فروٹ منڈی کھیالی کا دورہ کیااور پھلوں اور سبزیوں کی نیلامی کا جائزہ لیا۔ ڈپٹی کمشنر اور سی پی او نے لیموں ، تربوز، خربوزہ ، کدوسمیت مختلف پھلوں اور سبزیوں کی نیلامی اپنی نگرانی میں کرائی اور بولی میں شریک تاجروں سے کہا کہ وہ مارکیٹ کمیٹی حکام سے تعاون کریں تاکہ عام آدمی کو ریلیف فراہم کیا جاسکے ۔ جائز منافع کی حوصلہ افزائی اور ناجائز منافع خوری کی حوصلہ شکنی کی جائے گی ۔ پھلوں اور سبزیوں کی نیلامی کی نگرانی کا عمل اختتام رمضان تک جاری ررکھا جائے گا اور جہاں ناجائز منافع خوری اور ذخیرہ اندوزی پکڑی گئی وہاں قانون پوری شدت سے حرکت میں آئے گا۔ ڈپٹی کمشنر نائلہ باقر نے بعد ازاں سستے رمضان بازار فتو منڈ کا بھی دورہ کیااور سٹالز کا معائنہ کیا ۔