گوجرانوالہ: پی ایچ اے کی جی ٹی روڈ گرین بیلٹ پر شجر کاری مہم شروع

پی ایچ اے نے جی ٹی روڈ گرین بیلٹ پر شجر کاری مہم کا آغاز کردیا، آر پی او گوجرانوالہ طارق عباس قریشی ،پی ایچ اے کے وائس چیئرمین علی شبیر مہر نے گرین بیلٹ پر پودے لگا کر شجر کاری مہم کا افتتاح کیا ،اس موقع پر خطاب کرتے ہوئے آر پی او طارق عباس قریشی اور وائس چیئرمین علی شبیر نے کہا کہ وزیر اعظم عمران خان کے کلین اینڈ گرین ویژن کی تکمیل کیلئے کام تیزی سے جاری ہے ،عوام میں ماحولیاتی آلودگی کے خاتمے اور صحت مند فضا کیلئے درختوں کی اہمیت اجاگر کرنے کیلئے آگاہی مہم بھی چلائی جا رہی ہے تاکہ ہر شخص ماحولیاتی آلودگی کے نقصانات سے آگاہ ہو کر اس کے خاتمے میں اپنابھرپور کردار ادا کر سکے ۔ ہر شہری کو شجرکاری مہم میں بڑھ چڑھ کر حصہ لینا چا ہئے تاکہ گوجرانوالہ کو آلودگی سے پاک اور صحتمند فضا والا شہر بنایا جا سکے ۔