کامونکی کا پاگل عاشق، گردہ نکلا، مار بھی پڑگئی اور پیار میں دھوکہ بھی ملا، تفصیلات جان لیں

گوجرانوالہ ۔کامونکی کا پاگل عاشق محبوبہ کے عشق میں گردہ اور مکان بیچ بیٹھا، رقم واپس مانگنے پر محبوبہ نے پٹائی کروائی اور چوری کے مقدمہ میں گرفتار کروادیا۔
گوجرانوالہ کی تحصیل کامونکی کا رہائشی بابر ہمایوں بورے والا کی تین بچوں کی ماں کے عشق میں گرفتار ہوا، اور محبوبہ نے شادی کا جھانسہ دے کر بھاری رقم مانگی تو پاگل عاشق نے اپنا گردہ اور مکان فروخت کرکے سات لاکھ سے زائد کی رقم محبوبہ کو دے دی، بھاری رقم لے کر محبوبہ نے آنکھیں پھیر لیں، عشق میں پاگل ہمایوں نے رقم کا مطالبہ کیا تو محبوبہ نے اسے بورے والا بلایا اور اپنے عاشق کی خوب درگت بنانے کے بعد اس پر چوری کا مقدمہ درج کروا کر اسے گرفتار کروادیا، بابر ہمایوں کا کہنا ہے کہ اس نے عشق میں اندھا ہوکر گردہ اور مکان فروخت کیا لیکن رقم واپس مانگنے پر درگت بنائی اور زخمی کرنے بعد چوری کا مقدمہ درج کروا دیا جبکہ پولیس کا کہنا ہے کہ تفتیش کررہے ہیں