گوجرانوالہ ڈسٹرکٹ جیل میں قید بچوں اور معذوروں میں عید گفٹ تقسیم، تفصیلات جان لیں

ہمارا دین دوسروں کو بھی عید کی خوشیوں میں شامل کرنے کا درس دیتا ہے :ڈپٹی سپرنٹنڈنٹ
ڈسٹرکٹ جیل میں قید بچوں اور معذوروں میں عید گفٹ تقسیم کئے گئے ،اس موقع پرتقریب سے خطاب کرتے ہوئے ڈپٹی سپرنٹنڈنٹ جیل محمد ایوب نے کہا کہ مخیر حضرات کے تعاون سے قید بچوں اور معذوروں میں عید گفٹ تقسیم کرنے کا مقصد انہیں بھی عید کی خوشیوں میں شامل کرنا ہے ، ہمارا دین دوسروں کو بھی عید کی خوشیوں میں شامل کرنے کا درس دیتا ہے ۔کنوینئر جناح ہسپتال جمشید بشیر نے کہا کہ جیل میں قید بچے اور معذور افراد ہماری خصوصی توجہ کے مستحق ہیں ، میں ان تمام بھائیوں کا شکر گزار ہوں جن کے تعاون سے آج کی تقریب منعقد کی گئی، تقریب سے شیخ عرفان اور شیخ جبار نے بھی خطاب کیا ۔