گوجرانوالہ :مسجد میں نماز ادا کر تا شخص اندھی گو لی لگنے سے زخمی، مزید جان لیں

اندھی گولی لگنے سے نمازی زخمی ہو گیا ۔ تھانہ بمبانوالہ کے علاقہ کانبانوالہ کا رہائشی مختار مسجد میں نماز فجر ادا کررہا تھا کہ اچانک اندھی گولی ٹانگ کو چھوتی ہو ئی ہاتھ پر لگی اور وہ زخمی ہو گیا۔ واقعہ کی اطلاع ملتے ہی ایس ایچ او بمبانوالہ ندیم اشرف ،ڈی ایس پی شاہد نوازوڑائچ موقع پر پہنچ گئے اور زخمی کو طبی امداد کیلئے سول ہسپتال منتقل کر دیا ۔تھانہ بمبانوالہ پولیس نے مختار کی مدعیت میں نامعلوم ملزم کیخلاف مقدمہ درج کر لیا۔