گوجرانوالہ: کل سے سستے رمضان بازار عید بازار میں تبدیل، پیکج کے بارے میں جان لیں

چینی 2کلو ملے گی،رمضان کا آخری عشرہ قریب آتے ہی گہماگمی
سستے رمضان بازار کل 21 رمضان سے عید بازارمیں تبدیل ہو جائیں گے ۔پنجاب کابینہ کے فیصلے کے مطابق عیدبازاروں میں شہریوں کو چینی ایک کلوکے بجائے دو کلو میسر ہو گی ،سوجی ،سویاں سمیت 5 اضافی اشیائے خورونوش بھی ارزاں نرخوں پر دستیاب ہوں گی ،شہریوں نے دو کلو چینی دینے کے فیصلے کو سراہا اور امیدظاہرکی کہ رمضان بازاروں کی نسبت عید بازاروں میں انتظامات بہتر ہونگے ۔دوسری جانب رمضان کا آخری عشرہ قریب آتے ہیں بازاروں میں عید کی تیاریوں کی مناسبت سے گہما گہمی عروج پر پہنچ گئی ،رنگ برنگے ملبوسات خواتین کی توجہ کا مرکز بنے رہے ، جوتوں اور جیولری کی دکانوں پر بھی خوب رش رہا ۔