گوجرانوالہ: محکمانہ امتحان میں نمایاں نمبرلینے پرسول جج سمیراجبارکے اعزازمیں تقریب، مزید جان لیں

محکمانہ امتحان میں نمایاں نمبروں سے کامیابی پر ڈسٹرکٹ جوڈیشری کی جانب سے سول جج سمیرا جبار کے اعزاز میں تقریب منعقد کی گئی ، تقریب میں سول جج سمیرا جبار کو ڈسٹرکٹ جوڈیشری کی جانب سے اعزازی شیلڈ اور تحائف بھی دئیے گئے ۔ سیشن کورٹ کے احاطہ میں منعقدہ تقریب میں ڈسٹرکٹ اینڈ سیشن جج راؤ عبدالجبار ، ڈسٹرکٹ اینڈ سیشن جج گجرات عظمیٰ اختر ، انسداد دہشت گردی کی خصوصی عدالت کے جج چودھری ظفر اقبال نعیم ، سینئر سول جج سول ڈویژن رائے افضال حسین کھرل ، سینئر سول جج فیملی ڈویژن شبانہ حمید مغل ، سول ججز منظر حیات کھوکھر،محمد تسنیم اعجاز ، اسما ذکا،محمد عظیم بٹ اور نوشین طارق سمیت جوڈیشل افسروں کی بڑی تعداد شریک ہوئی ۔