غیر ملکی سفیروں کو‘‘میڈان گوجرانوالہ’’صنعتی نمائش میں شرکت کی دعوت، صدر گوجرانوالہ چیمبر کی ملاقات

گوجرانوالہ: گوجرانوالہ چیمبرآف کامرس اینڈ انڈسٹری کے صدر محمد عاصم انیس نے وفد کے ہمراہ پاکستان میں تعینات سفیروں کے سربراہ ترکمانستان کے سفیر رافاجان مولاماوسے اسلام آباد میں ملاقات کی ۔انہوں نے ایمبسڈر سے تبادلہ خیال کرتے ہوئے ‘‘میڈان گوجرانوالہ’’صنعتی نمائش میں شرکت کی دعوت دی ۔صدر چیمبر نے بتایا کہ گوجرانوالہ میں بین الاقوامی معیار کے مطابق تیار کی جانے والی مصنوعات کو لاہور ایکسپو میں ڈسپلے کیا جا رہا ہے جس میں تمام حکومتی نمائندوں سمیت غیر ملکی سرمایہ کاروں کو دعوت دی گئی ہے ۔ نمائش سے گوجرانوالہ میں تیار کی جانے والی مصنوعات کو پوری دنیا میں متعارف کروانے میں مدد ملے گی ۔وفد میں سابق سینئرنائب صدر چیمبر و سابق نائب صدر و ریجنل چیئرمین ایف پی سی سی آئی شیخ محمد علی ،رکن مجلس عاملہ آفاق ایوب شامل تھے ۔ایمبسڈروں کے سربراہ ترکمانستان کے ایمبسڈرافاجان مولاماونے کہا کہ میں نہ صرف خود ‘‘میڈان گوجرانوالہ’’ صنعتی نمائش کا دورہ کروں گا بلکہ دوسرے ممالک کے سفراء کو بھی نمائش کا دورہ کرنے کیلئے مدعو کروں گا ۔